කොවිඩ් -19 ආසාදිතයෙකු හඳුනාගැනීම හේතුවෙන් චීනයේ ෂැංහායි, ඩිස්නිලන්තය වසාදමා තිබේ. ඩිස්නිලන්තයේ සංචාරයක නිරත වු කාන්තාවක් ආපසු සිය නිවසට පැමිණීමෙන් අනතුරුව කොවිඩ් ආසාදිතයෙකු ලෙස හඳුනාගෙන ඇති බව වාර්තා වේ. එම කාන්තාව විසින් අදාළ බළධාරින් දැනුවත් කිරීමෙන් අනතුරුව ෂැංහායි ඩිස්නිලන්තය දින කිහිපයකට වසා දැමීමට තීරණය කර ඇත.
ගෝලීය කොවිඩ් මරණ සංඛ්‍යාව ලක්ෂ 50 සීමාව ඉක්මවා ගොස් තිබේ. එම සංඛ්‍යාව 5,000,106ක් ලෙස දැක්වේ. ඒ ලොව පුරා පසුගිය පැය 24 තුළ වාර්තා වූ මරණ 4,141ක් සමගිනි.
විරෝධතාවයේ නිරත 7 දෙනෙකු හමුදා වෙඩි ප්‍රහාරවලින් මිය ගියේ ය. තුවාල ලැබූ සංඛ්‍යාව, 140 කට අධිකයි. ජෙනරල් අබ්දෙල් ෆටා ප්‍රමුඛ හමුදාව, සුඩාන අග්‍රාමාත්‍ය අබ්දල්ලා හම්ඩොක් ඇතුළු පවුලේ සාමාජිකයින් මෙන්ම රජයේ ඉහළ පෙළේ නිලධාරීන් රැසක් නිවාස අඩස්සියට ගැනීමෙන් අනතුරුව සිවිල් පාලනය විසුරුවා හරින බව ප්‍රකාශ කළ හමුදාව, රට තුළ හදිසි තත්ත්වයක් ප්‍රකාශයට පත් කළේ ය. සුඩානයේ Read More
සිරියාවේ ප්‍රධාන අල්කයිඩා නායකයෙකු අමෙරිකාව එල්ල කළ ඩ්‍රෝනා ප්‍රහාරයකින් මියගොස් ඇති බව වාර්තා විය. අල්කයිඩා සංවිධානයේ ජ්‍යෙෂ්ඨ නායක අබ්දුල් හමීඩ් අල් මාතාර් එලෙස ඝාතනය කර ඇති බව විදෙස් වාර්තා සඳහන් කළේය. අදාළ ප්‍රහාරය සඳහා එම් කිව් 09 ඩ්‍රෝන යානයක් භාවිතා කර ඇති බව සඳහන් වේ.
වසංගතය ආරම්භ වීමෙන් පසු ප්‍රථම වතාවට රුසියාවේ දෛනික කොවිඩ් මරණ දහස ඉක්මවා තිබෙනවා. ක්‍රෙම්ලීන බලධාරීන් නිවේදනය කළේ බොහෝ පිරිස් එන්නත ලබා නොගැනීම හමුවේ එම තත්ත්වය උදා වී ඇති බවයි.
අමෙරිකානු හිටපු ජනාධිපති බිල් ක්ලින්ටන් රැධිරගත රෝගී තත්ත්වයක් හේතුවෙන් රෝහල් ගතකර තිබේ. ඔහුගේ මාධ්‍ය ප්‍රකාශක ඒන්ජල් යුරේනා ට්විටර් පණිවිඩියක් නිකුත් කරමින් සඳහන් කර ඇත්තේ, හිටපු ජනාධිපතවරයා හදිසි රෝගී තත්ත්වයක් හේතුවෙන් රෝහල් ගත කළ බවය. ඔහු මේ වන විට යහපත් සෞඛ්‍ය තත්ත්වයෙන් පසුවන බවද විදෙස් මාධ්‍ය වාර්තා කර තිබේ.
ඉන්දියාවේ ජාතික ගුවන් සේවය වන ‘එයාර් ඉන්දියා සමාගම‘ එරට විශාලතම සමාගම් සමූහය ලෙස සැලකෙන ‘ටාටා‘ සමාගමට ඩොලර් බිලියන 2.4කට ආසන්න ලංසුවකට අලෙවි කොට තිබේ. ඩොලර් බිලියන 9.5ක අලාභයක් ලබා ඇති මේ ගුවන් සේවය විකිණීමට ඉන්දීය රජය වසර ගණනාවක් තිස්සේ උත්සාහ ගෙන තිබෙන අතර, ඩොලර් බිලියන 2.4කට ආසන්න මිලකට වැඩිම ලංසු තැබූ සමාගම වන ටාටා සමාගමට Read More
ලබන 13 වැනි දා සිට එක්සත් රාජධානිය ඇතුළු රටවල් කිහිපයක වෙසෙන කොවිඩ් මර්දන එන්නත ලබාගත් සංචාරකයන් රටට ඇතුළු කරගැනීමට සිංගප්පූරුව තීරණය කර තිබේ. ඒ අතර දැනට ක්‍රියාත්මක කොවිඩ් පාලන සීමා රැසක් ලිහිල් කෙරෙනු ඇත. සිංගප්පූරුවේ කොවිඩ් වෛරස ආසාදිතයන් 120,000 ඉක්මවා ඇතත් මරණ වාර්තාවී තිබෙන්නේ 153ක් වැනි ඉතා අඩු අගයකි. සිංගප්පූරුව දැනටමත් ජර්මනිය සහ බෘෘනායි යන Read More
පකිස්තානයේ භූ කම්පනයක් සිදුවී ඇති බව විදෙස් මාධ්‍ය වාර්තා කරයි. එම වාර්තාවල දැක්වෙන්නේ පුද්ගලයින් 20ක් පමණ ඉන් ජීවිතක්ෂයට පත්වී ඇති බවය. පුද්ගලයින් 200කට අධික සංඛ්‍යාවක් තුවාල ලබා රෝහල් ගතකර ඇති බවද විදෙස් මාධ්‍ය වාර්තා කර ඇත.
කොවිඩ් -19 හේතුවෙන් සිදුවන සෑම මරණයකටම වන්දි වශයෙන් ඉන්දීය රුපියල් 50,000 ක් ගෙවීමට ඉන්දීය රජය ගත් තීරණයට එරට ශ්‍රේෂ්ඨාධිකරණයේ අනුමැතිය හිමිව තිබේ. ඉන්දීය මාධ්‍ය වාර්තා කරන්නේ, ඉන්දීය ආපදා කළමනාකරණ නීතිය යටතේ වන්දි ඉල්ලා නීතිඥයින් ගොනු කළ පෙත්සමකට අදාළව මෙම අනුමැතිය හිමිව ඇති බවයි.
t
o
p
