විශේෂ කාර්ය බලකාය අණදෙන නිලධාරී ජේෂ්ඨ නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි හම්බන්තොට කලාපය බාර පොලිස් අධිකාරී නිශාන්ත සිල්වා මහතාගේ මෙහෙයවීම සහ සහකාර පොලිස් අධිකාරී වෑවිටවිදාන මහතාගේ අධීක්ෂණය මත විශේෂ කාර්ය බලකාය කහවත්ත කදවුර මගින් ක්‍රියාත්මක රත්නපුර උප කදවුරේ නිලධාරීන්ට ලද තොරතුරකට අනුව ස්ථානභාර නිලධාරි උප පොලිස් පරික්ෂක ඩි.එම්.එන්. සුරංග ඇතුළු නිලධාරීන් කණ්ඩායමක් විසින් ඇහැලියගොඩ පොලිස් වසමේ ඇහැළියගොඩ, තලගහමුල ටයර් වෙළදසැල තුල දී වැටලීමක් සිදුකර ඇත.
එහි දී ජාවාරම් කිරීම සඳහා නීති විරෝධී ලෙස තීරු බදු නොගෙවා හොර රහසේ මෙරටට ගෙන්වන ලද විවිධ වර්ගයේ දුම්වැට් තොගයක් අලෙවි කිරීම සදහා සන්තකයේ තබාගෙන සිටි තලගහමුල, ඇහැළියගොඩ ප්‍රදේශයේ පදිංචි වයස අවුරදු 37 පසුවන පුද්ගලයකු අත්අඩංගුවට ගෙන වැඩිදුර විමර්ශන කටයුතු සඳහා ඇහැලියගොඩ පොලිස් ස්ථානය වෙත භාර දී ඇත.
