විශේෂ කාර්ය බලකාය හපුතලේ කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී ජේෂ්ඨ නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි මහනුවර කලාපය භාර කලාප අණදෙන නිලධාරී ජ්‍යෙෂ්ඨ පොලිස් අධිකාරී කේ.ඒන්.එන් ප්‍රනාන්දු මහතාගේ අධික්ෂණය මත සහකාර පොලිස් අධිකාරී ඩබ්.සී.එස් සිල්වා මහතාගේ අධික්ෂණයෙන් විශේෂ කාර්ය බලකාය හපුතලේ කඳවුරේ උප පොලිස් පරීක්ෂක එන්.එස්.ටී. නීලවල ඇතුළු නිලධාරීන් කණ්ඩායමක් විසින් ඊයේ (06) වන දින ඇල්ල, අඹගස්දොව පොලිස් වසම් වල ඇල්ල වැල්ලවාය මාර්ගයේ ගෝල්ඩන් ටී සෙන්ටර් වෙලදසැල ඉදිරිපිට දී සහ හෙලදංගමුව, අඹගස්දොව ප්‍රදේශයේ දී වැටලීම් සිදුකර ඇත.

එහි දී තීරබදු රහිතව මෙරටට ගෙන්වන ලද රජයේ සෞඛ්‍යය අවවාද සටහන් නොකල BAHMAN වර්ගයේ දුම්වැටි 200 ක් MANCHESTER වර්ගයේ දුම්වැටි 40 සහ GOLD LIFE වර්ගයේ දුම්වැටි 720 සන්තකයේ තබාගෙන සිටි දෙමෝදර හා අඹගස්දොව ප්‍රදේශයේ පදිංචි අවුරුදු 32 ත් 66 ත් අතර පුද්ගලයන් දෙදෙනෙකු අත්අඩංගුවට ගෙන වැඩිදුර විමර්ශන කටයුතු සඳහා අඹගස්දොව හා ඇල්ල පොලිස් ස්ථානයන් වෙත භාර දී ඇත.