ක්‍රීඩා අමාත්‍ය රොෂාන් රණසිංහ අමාත්‍යවරයාගේ පූර්ණ මැදිහත්වීම හා සාකච්ඡාවල ප්‍රතිපලයක් ලෙස, ජාත්‍යන්තර පාපන්දු සම්මේලනය මඟින් ශ්‍රී ලංකාවට පනවා තිබූ පාපන්දු තහනම ඉවත් කිරීමට කටයුතු කර තිබේ.
ඒ අනුව මෙතැන් සිට අන්තර්ජාතික පාපන්දු තරග සඳහා සහභාගි වීමේ අවස්ථාව ශ්‍රී ලංකා පාපන්දු කණ්ඩායමට ලැබෙනු ඇත.
අන්තර්ජාතික පාපන්දු සම්මේලනය ඊයේ (27 ) ගත් තීරණයක් අනුව ශ්‍රී ලංකා පාපන්දු සම්මේලනයට පනවා තිබූ තහනම වහාම ක්‍රියාත්මක වන පරිදි ඉවත් කරන ලද බව එහි මහලේකම් ෆැත්මා සමෝරා අන්තර්ජාතික පාපන්දු සම්මේලනයේ සාමාජිකයන් වෙත ලිඛිතව දන්වා තිබේ.
