විශේෂ කාර්ය බලකාය කැළණිය කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි කැළණිය කඳවුරේ විශේෂ රාජකාරි වාර්තා කර සිටින කුඩා කණ්ඩායමේ පොලිස් පරික්ෂක ඒ.එම්.යු.ඒ. අධිකාරි මහතා ඇතුළු නිලධාරීන් කණ්ඩායමක් (26) වන දින වත්තල පොලිස් වසමේ අංක 4/57 දික්ඕවිට, හැඳල, වත්තල යන ස්ථානයේ දී වැටලීමක් සිදුකර ඇත.

එහි දී තීරු බදු නොගෙවා මෙරටට ගෙන්වන ලද Manchester වර්ගයේ විදේශිය දුම්වැටි 4,000 ක් සන්තකයේ තබාගෙන සිටි හැඳල, වත්තල ප්‍රදේශයේ පදිංචි වයස අවුරුදු 44 ක පුද්ගලයකු අත්අඩංගුවට ගෙන වැඩිදුර විමර්ශන කටයුතු සඳහා වත්තල පොලිස් ස්ථානය වෙත භාර දී ඇත.