බැංකු සහ මූල්‍ය ආයතන සඳහා පොළී අනුපාත පවත්වාගෙන යාම පිළිබඳ චක්‍රලේඛය ශ්‍රී ලංකා මහ බැංකුව විසින් නිකුත් කර ඇති බව වාර්තා වෙයි.

1949 අංක 58 දරණ මුදල් පනත යටතේ මෙම චක්‍රලේඛය නිකුත් කර ඇති අතර, එමඟින් පොළී අනුපාත සම්බන්ධයෙන් ද නිර්නායක ඉදිරිපත් කර තිබේ.

ඒ, අනුව සාමාන්‍ය ණය පොළී අනුපාතය 13.5%ක මට්ටමේ පවත්වාගෙන යන ලෙසයි එමඟින් බැංකු සහ මූල්‍ය ආයතන වෙත දන්වා ඇත්තේ.

ඊට අමතරව උකස් පොළී අනුපාතය 18%ක් ලෙසත් ණයපත් පොළී අනුපාතය 28%ක මට්ටමේත් පවතවාගෙන යන ලෙසට උපදෙස් දී තිබේ.

ඒ, අනුව බලපත්‍රලාභී වාණිජ බැංකු සහ මූල්‍ය ආයතනවල සියලුම පොළී අනුපාත අගෝස්තු මස 25 වනදා සිට බලපැවැත්වෙන පරිදි පහළ දැමීමටයි මහ බැංකුව නියෝග කර ඇත්තේ.