ජූලි (01) වනදා සිට ඩිජිටල් විදුලි බිල්පත් ලබා දීමේ ක්‍රමවේදයක් දිවයිනේ ප්‍රදේශ 3ක විදුලි පාරිභෝගිකයින් සඳහා ක්‍රියාත්මක කිරීමට නියමිත බව ලංකා විදුලිබල මණ්ඩලය සදහන් කරයි.

ඒ අනුව දෙහිවල, කැලණිය සහ ශ්‍රී ජයවර්ධනපුර යන ප්‍රදේශවල පදිංචි විදුලි පාරිභෝගිකයින් සඳහා මෙම ක්‍රමවේදය ක්‍රියාත්මක කෙරෙනු ඇති බවද ලංකා විදුලිබල මණ්ඩලය සදහන් කරයි.

එම පාරිභෝගිකයින්ට SMS හෝ ඊ-මේල් හරහා විද්‍යුත් බිල්පතක් එලෙස ලබා දීමට පියවර ගෙන ඇති බවත් මෙම සේවාව ලබා ගැනීම සඳහා SMS ඔස්සේ, REGA/C Number සටහන් කර එය 1987 අංකයට යැවීමෙන් ලියාපදිංචි විය හැකි බවද සදහන් කරයි.

තවදුරටත් ලංකා විදුලිබල මණ්ඩලය සදහන් කළේ, http://ebill.ceb.lk වෙත පිවිසීමෙන්ද ඒ සඳහා ලියාපදිංචි විය හැකි බවයි.