බස්නාහිර පළාත තුළ ඩෙංගු රෝගීන් ශීඝ්‍රයෙන් වැඩිවීම හේතුවෙන් කොළඹ නගර ආශ්‍රිතව විශේෂ ඩෙංගු මර්දන වැඩසටහනක් ආරම්භ කර තිබේ.
කොළඹ නගර සභාවේ සෞඛ්‍ය වෛද්‍ය නිලධාරී වෛද්‍ය රුවන් විජයමුණී සඳහන් කළේ කොළඹ නගරයේ වැල්ලවත්ත, පාමංකඩ, නාරාහේන්පිට, කුරුඳුවත්ත, කොටුව හා ග්‍රෑන්ඩ්පාස් ප්‍රදේශවලින් ඩෙංගු රෝගීන් වාර්තාවීම ඉහළ ගොස් ඇති නිසා එම තත්ත්වය පාලනට කණ්ඩායම් 60 ක් යොදවා ඇති බවයි.
ඔහු වැඩිදුරටත් කියා සිටියේ දින දෙකකට වඩා උණ පවතී නම් වහාම වෛද්‍ය ප්‍රථිකාර සඳහා යොමු වන ලෙසයි.
