රුසියානු ප්‍රහාරක ජෙට් යානාවක් යුක්රේන දේශසීමාව ආසන්නයේ පිහිටි රුසියානු නගරයකට ප්‍රහාරයක් එල්ල කර තිබේ.
මෙලෙස අත් වැරදීමකින් ප්‍රහාරය එල්ල වී ඇත්තේ යුක්රේන දේශ සීමාව ආසන්නයේ පිහිටි බෙල්ගොරොඩ් නම් නගරයටයි.
ඒ හේතුවෙන් එම නගරයේ ගොඩනැගිලි වලට හානි සිදු වී ඇති අතර පුද්ගලයින් දෙදෙනෙකු තුවාල ලබා ඇති බව රුසියානු ආරක්ෂක අංශ ප්‍රකාශ කරයි.
එස්යූ-34 සූපර් සොනික් ප්‍රහාරක ජෙට් යානාවක් මගින් මෙලෙස අත්වැරදීමකින් බෝම්බයක් මුදා හැර ඇති අතර බෝම්බය පතිත වීමෙන් මීටර් 20ක පමණ අවාටයක්ද නගරයේ සැදී ඇති බව රුසියානු මාධ්‍ය වාර්තා කරයි.
