විශේෂ කාර්ය බලකාය පරයනාලන්කුලම් කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී නීතීඥ වරුණ ජයසුන්දර මහතාගේ නියෝග හා උපදෙස් පරිදි යාපනය කලාප අණදෙන නිලධාරී ජ්‍යෙෂ්ඨ පොලිස් අධිකාරී ආර්. සුමනවර්ධන මහතාගේ අධීක්ෂණය මත සහකාර පොලිස් අධිකාරි කටුගම්පල මහතාගේ මගපෙන්වීම මත විශේෂ කාර්ය බලකාය පරයනාලන්කුලම් කඳවුරේ වැඩ බලන කඳවුරු අණදෙන නිලධාරී පොලිස් පරීක්ෂක ඒ.වි.එස්.පි. ජයවර්ධන ඇතුළු නිලධාරීන් කණ්ඩායමක් විසින් (12) වන දින පරයනාලන්කුලම් පොලිස් වසමේ අඩියාපුලියන්කුලම ප්‍රදේශයේ දී වැටලීමක් සිදුකර ඇත.

එහි දී තීරුබදු නොගෙවා මෙරටට ගෙන්වන ලද Gold Leaf වර්ගයේ දුම්වැටි 409 ක් අලෙවි කිරීම සදහා සන්තකයේ තබාගෙන සිටි සෙට්ටිකුලම, වව්නියාව ප්‍රදේශයේ පදිංචි වයස අවුරුදු 42 ක පුද්ගලයකු අත්අඩංගුවට ගෙන වැඩිදුර විමර්ශන කටයුතු සඳහා පරයනාලන්කුලම් පොලිස් ස්ථානය වෙත භාර දී ඇත.