චීනයේ නිෂ්පාදිත කොරෝනා වෛරසයට එරෙහි ප්‍රතිශක්තිය ඇති කිරීම සඳහා නිෂ්පාදනය කර ඇති සිනෝපාම් (Sinopharm) එන්නත මෙරට ජාතික ඖෂධ නියාමන අධිකාරියේ ස්වාධීන විශේෂඥ මණ්ඩලයක් විසින් එහි ප්‍රමාණවත් විද්‍යාත්මක සාධක නොමැති බව පවසා ශ්‍රි ලංකාවේ භාවිතයට නුසුදුසු බවට නිර්දේශ කර තිබියදී එම අධිකාරියට නව අධ්‍යක්ෂ මණ්ඩලයක් පත් කොට එම එන්නත මෙරට හදිසි භාවිතය සඳහා අනුමත කිරීම අත්තනෝමතික වූත් පෙර නොවූ විරූ තීරණයක් බව ශ්‍රී ලංකා විශේෂඥ වෛද්‍යවරුන්ගේ සංගමය නිවේදනයක්‌ නිකුත්‌ කරමින් පවසයි.
එම සංගමයේ සභාපති විශේෂඥ වෛද්‍ය විශේෂඥ වෛද්‍ය ලලන්ත රණසිංහගේ අත්සනින්‌ නිකුත්‌ කර ඇති එම ලිපියේ සඳහන්‌ වන්නේ මෙම එන්නත ජාතික වෛද්‍ය නියාමන අධිකාරියේ විශේෂඥයන්ගේ කමිටුව විසින් ශ්‍රී ලංකාවේ සිනොෆාම් භාවිතා කිරීමට විරුද්ධ වී ඇති බවයි. එහෙත් එම මණ්ඩලය වෙනස් කිරීමෙන් පසු ඔවුන් දැන් එන්නත භාවිතයට අනුමැතිය ලබාදී ඇත යනුවෙනි.
