පොලිස් විශේෂ කාර්ය බලකායේ නිලධාරින් විසින් ඊයේ (28) සවස කළ විශේෂ මෙහෙයුමකදී ස්පාඤ්ඤයේ නිෂ්පාදිත පිස්තෝලයක් හා මැගසින් දෙකක් සමග පුද්ගලයෙකු අහුංගල්ලේදි අත්අඩංගුවට ගෙන තිබේ.
බලපිටිය හොරපාගෙඩ ප්‍රදේශයේදි ගිනි අවිය හා උණ්ඩ සමග 34 හැවිරිදි පුද්ගලයෙකු අත්අඩංගුවට ගෙන ඇති අතර මෙම පුද්ගලයා දකුණේ අපරාධ කල්ලි සාමාජිකයෙකු බවට පොලිසිය සැක කරයි.
පසුගිය කාලයේ දකුණු පළාතේ අපරාධ රැසක් සිදුවූ අතර මොහු යම් අපරාධ කණ්ඩායමක් සමග එම අපරාධ සදහා සහභාගී වුවේද යන්න පිළිබදව සොයා බලන බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසීය. එසේම ඔහු සන්තකයේ තිබි සොයා ගත් ගිනි අවිය යම් අපරාධයකට යොදා ගත්තේ ද යන්න පිළිබදවද විමර්ශන කරන බවද ඔහු වැඩිදුරටත් කීවේය.
සැකකරු සම්බන්ධයෙන් අහුන්ගල්ල හා බලපිටිය යන පොලිසි වැඩිදුර විමර්ශන පවත්වයි.
