එක්සත් ජාතික පක්ෂයේ මැතිවරණ ප්‍රතිපත්ති ප්‍රකාශය ලබන සතියේ දී එළි දැක්වේ.
එක්සත් ජාතික පක්ෂයේ මැතිවරණ ප්‍රතිපත්ති ප්‍රකාශය අන්තර්ජාලයෙන් සම්පූර්ණයෙන් කියවීමට හැකි වන ආකාරයට සකස් කොට තිබීම විශේෂත්වයකි .
ඊට අමතරව විවිධ ක්ෂේත්‍ර සඳහා සුවිශේෂී වන එජාප ප්‍රතිපත්ති ප්‍රකාශයේ සඳහන් කරුණු මුද්‍රණයෙන් ප්‍රකාශයට පත්කොට ජනතාව අතට පත් කිරීමට ද අපේක්ෂිතය.
ශ්‍රී ලංකාවේ ජාතික ආරක්ෂාව,ආර්ථිකය හා නාගරික ආර්ථිකය මෙන්ම රැකියා බිහි කිරීම ඇතුළු ක්ෂේත්‍ර ගණනාවකට අදාළ කරුණු එක්සත් ජාතික පක්ෂ ප්‍රතිපත්ති ප්‍රකාශය මුද්‍රණය කරන කොටසට ඇතුලත් කිරීමට නියමිතය .
ශ්‍රී ලංකාවේ මැදි ආදායම් ලබන ජනතාවගේ ආර්ථිකය ගොඩනැගීම සම්බන්ධයෙන් වන වැඩපිළිවෙළ පිළිබඳව වෙනමම ප්‍රකාශයක් මුද්‍රණය කර ජනතාවට ලබාදීමට ද අපේක්ෂිතය.
අංජුල මහික වීරරත්න
