මුල්ලිවයික්‌කාල්හි දී ප්‍රහාකරන් සමග සිටි ඔහුගේ ලේකම් යැයි සැලකෙන කුමාරගුරුබරන් නමැත්තා තමිල්නාඩු රහස්‌ පොලිසිය විසින් අත්අඩංගුවට ගෙන තිබේ

තමා ප්‍රභාකරන්ගේ ලේකම් බව ඔහු පාපොච්චාරණය කර ඇති අතර යාපනයේ පදිංචිකරුවෙකු වූ ඔහු ස්‌විට්‌සර්ලන්තයට පැන යාම සඳහා සිය බිරිය වූ සුදර්ශනී සමග තිරුචි ගුවන්තොටුපළේ සිටිය දී මෙසේ අත්අඩංගුවට ලක්ව ඇත.

අවසන් සටනේදී ඔහුගේ දකුණු පාදය අහිමි වීම නිසා කෘතීම පාදයක්‌ සවිකර තිබූ බව රහස්‌ පොලිස්‌ නිලධාරීහු හෙළිකර ඇති අතර මොහු සතු ගමන් බලපත්‍රයද ව්‍යාජ එකක්‌ යැයි ද අනාවරණය වී ඇත.