රට පුරා විවිධ ප්‍රදේශවලින් අනුරාධපුර අටමස්ථානය වැඳපුදා ගැනීමට පැමිණෙන බැතිමතුන්ගේ ගමන් පහසුකම් සළසමින් අටමස්ථානය අතර ක්‍රියාත්මක බස් රථ සේවාව සඳහා සුඛෝපභෝගී බස් රථ 04 ක් ප්‍රදානය කිරීම ජනාධිපති   මෛත්‍රිපාල සිරිසේන මහතාගේ ප්‍රධානත්වයෙන්   සිදු වී තිබේ.

අද(31) සංරක්ෂණය කරන ලද අභයගිරිය චෛත්‍යයේ ප්‍රථම ස්ථූප පූජාවට සහභාගී වූ ජනාධිපතිතුමා ඉන් අනතුරුව  මේ සදහා එක් විය.

ශ්‍රී ලංකා ගමනාගමන මණ්ඩලයට අයත් සුඛෝපභෝගී බස් රථ 04 ක් මෙලෙස ප්‍රදානය කෙරුණු අතර එම බස් රථ ධාවනයේ යොදවමින් පළමු ටිකට්පතද ජනාධිපතිතුමා විසින් මිලදී ගනු ලැබීය.

සුඛෝපභෝගී බස් රථ සේවාව යටතේ කි.මි 22 ක දුරින් යුත් අටමස්ථාන චාරිකාව සඳහා එක් මගියෙකුගෙන් අය කෙරෙන මුදල රුපියල් 100 ක් බව වාර්තාවෙයි.