ශ්‍රී ලංකා කණ්ඩායම හොඳින් සටන් වැදි අගනා ජයග්‍රහණයක් ලැබූ බව හිටපු ක්‍රිකට් නායක කුමාර් සංගක්කාර පවසයි.
ඕවල් ක්‍රීඩාංගණයේ සිට අදහස් දක්වමින් සංගක්කාර මෙසේ ද පැවසීය.
කමිඳු – පැතුම් මේ තරගාවලියේ හොඳින් ක්‍රීඩා කළා. එංගලන්තයට පැමිණ එංගලන්ත ක්‍රිකට් පිල පරාජය කිරීම ලෙහෙසි නැහැ. අපේ පසු පෙළින් පවා ධෛර්ය ප්‍රකාශ වුණා. ලහිරු කුමාර, සිංහලෙන් මේ අයට එරෙහිව හොඳින් පන්දු යවන්න ඕනේ බව කියන එක අපට විකට් මයික් එකෙන් ඇහුණා. එයින් ඔවුන්ගේ ධෛර්ය පෙන්නුම් කළා.
ලංකා කණ්ඩායම පැරණි ක්‍රීඩකයන් හෝ සමාජ මාධ්‍ය වේවා, අනෙක් මාධ්‍ය ගැන අවධානය යොමු නොකර තමන්ගේ හැකියාව එළිදක්වන්න ඕනේ. මෙය ඔවුන්ගේ දක්ෂතාවය ලොවට හෙළි කළ අවස්ථාවයි.
