ලෝක කොස්(වරකා) දිනය අදට(04) යෙදී තිබේ.

එය සෑම වසරකම ජූලි මස 4 වැනිදා සමරනු ලබයි. ප්‍රථම වරට කොස් ගෙඩිය සඳහා දිනයක් වෙන්වුණේ 2016 වසරේදී යි.

‘කොස්’වල වටිනාකම ලොවට කියාපෑම සඳහා මෙලෙස සෑම වසරකම ඒ වෙනුවෙන් දිනයක් වෙන්කර තිබේ. එළවලු පදනම් වූ ආහාර වේලක් අනුගමනය කිරීමට උත්සාහ කරන අය සඳහා ජනප්‍රිය මස් ආදේශකයක් ලෙස ද ‘කොස්’ ආහාරයට ගත හැකියි.

‘කොස්’ විටමින් සහ ප්‍රතිඔක්සිකාරක වලින් ඉහළ මට්ටමක පවතින අතර එය ඕනෑම ආහාර වේලකට විශිෂ්ට එකතු කිරීමක් වෙයි.

ඒ අනුව ඉදුණු කොස් ගෙඩිය (වරකා) අමුවෙන් ආහාරයට ගත හැකි අතර අමු ඒවා රසවත් වෑංජනයක් ලෙස තම්බා හෝ ව්‍යාංජනයක් ලෙස සකසා ගත හැකියි.