විශේෂ කාර්ය බලකාය ගෝනහේන කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී ජේෂ්ඨ නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි බස්නාහිර උතුර බාර ජේෂ්ඨ පොලිස් අධිකාරී ජේ.ආර්. සේනාධීර මහතාගේ මෙහෙයවීම මත විශේෂ කාර්ය බලකාය ගෝනහේන කඳවුරේ පොලිස් පරික්ෂක එච්.පි.එම්.එස්.කේ. වීරක්කොඩි ඇතුළු නිලධාරීන් කණ්ඩායමක් විසින් (23) වන දින මීගමුව පොලිස් වසමේ අංක 366, හලාවත පාර, පෙරියමුල්ල, ලිපිනයේ පිහිටි වෙළද සැල තුල දී වැටලීමක් සිදුකර ඇත.

එහි දී නීති විරෝධී ලෙස මෙරටට ගෙන්වන ලද Manchester වර්ගයේ දුම්වැටි අලෙවි කිරීම හා සන්තකයේ තබා ගැනීමේ වරදට මීගමුව ප්‍රදේශයේ පදිංචි අවුරුදු 23 ක පුද්ගලයකු දුම්වැටි 1,905 ක් සමග අත්අඩංගුවට ගෙන වැඩිදුර විමර්ශන කටයුතු සඳහා මීගමුව පොලිස් ස්ථානය වෙත භාර දී ඇත.