විශේෂ කාර්ය බලකාය නෙල්ලිඅඩි කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී ජේෂ්ඨ නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි යාපනය කලාපය බාර ජේෂ්ඨ පොලිස් අධිකාරී රෝයි සුමනවර්ධන මහතාගේ මෙහෙයවීම මත, පොලිස් අධිකාරී කොඩිතුවක්කු මහතාගේ අධීක්ෂණයෙන් නෙල්ලිඅඩි කඳවුරේ උප පොලිස් පරික්ෂක ඩී.ජී.සී.පී. දිසානායක ඇතුළු නිලධාරීන් කණ්ඩායමක් විසින් (21) වන දින නෙල්ලිඅඩි පොලිස් වසමේ මාලු හංදිය, අල්වායි නැගෙනහිර, අල්වායි ලිපිනයේ දී වැටලීමක් සිදුකර ඇත.

එහි දී ඉහත ලිපිනයට අයත් පලතුරු වෙලදසැල තුල අලවි කරමින් තිබූ තීරුබදු නොමැතිව නීති විරෝධි ලෙස මෙරටට ගෙන්වන ලද දුම්වැටි 306 සහ මෙරට සාදන ලද නීති විරෝධී කඩු 04 ක් සන්තකයේ තබාගෙන සිටි අල්වායි නැගෙනහිර, අල්වායි ප්‍රදේශයේ පදිංචි වයස අවුරුදු 37 ක් වන පුද්ගලයකු අත්අඩංගුවට ගෙන වැඩිදුර විමර්ශන කටයුතු සඳහා නෙල්ලිඅඩි පොලිස් ස්ථානය වෙත භාර දී ඇත.