උතුර දුම්රිය මාර්ගයේ මහව සහ ඕමන්තේ අතර දුම්රිය මාර්ගය නවීකරණය කිරීමේ ව්‍යාපෘතියේ දෙවන අදියර යටතේ මහව සිට අනුරාධපුර දක්වා මාර්ග කොටස නවීකරණය කිරීම වෙනුවෙන් එම දුම්රිය මාර්ගය ලබන ජනවාරි මස 7 වැනිදා සිට මාස 6 ක කාලයකට වසා තබන බව දුම්රිය දෙපාර්තමේන්තුව පැවසීය.
ඒ අනුව එම කාලය තුළ කොළඹ සිට මහව දක්වා සහ අනුරාධපුර සිට කන්කසන්තුරේ දක්වා පමණක් දෙපසට දුම්රිය ධාවනය වන බව එම දෙපාර්තමේන්තුව වැඩිදුරටත් සඳහන් කරයි.
