පවතින අයහපත් කාලගුණ තත්ත්වයත් සමඟ නිල්වලා ගංඟා ද්‍රෝණිය සඳහා නිකුත් කර තිබූ ගංවතුර අනතුරු ඇඟවීමේ නිවේදනය තවදුරටත් දීර්ඝ කළ බව වාරිමාර්ග දෙපාර්තමේන්තුව දැනුම් දෙයි.
ඒ, අනුව අද (15) සිට ඉදිරි පැය 24 දක්වා මෙම ගංවතුර අනතුරු ඇඟවීම දීර්ඝ කර තිබේ.
මේ සමඟ නිල්වලා ගංඟා ද්‍රෝණිය අවට ජීවත්වන ජනතාවට මෙම තත්ත්වය පිළිබඳ වඩාත් සැළකිලිමත්ව පසුවන ලෙසයි එම දෙපාර්තමේන්තුව සඳහන් කරයි.
මේ අතර පොල්ගොල්ල ජලාශයේ වාන් දොරටු පහක් විවෘත කර ඇති බව වාර්තා වෙයි.
එම ජලාශය භාර ඉංජිනේරු එන්.කේ.එල්.එස්.කේ. ඩයස් සඳහන් කළේ, මේ හේතුවෙන් පොල්ගොල්ල ජලාශය සහ වික්ටෝරියා ජලාශය අතර මහවැලි ගඟ පරිහරණය කරන ජනතාව විමසිල්ලෙන් පසුවන ලෙසයි.
