දේශීය සහ විදේශීය සංචාරකයන්ගේ සංචාරක ගමනාන්තයක් නිර්මාණය කිරීමේ අරමුණින් සබරගමු පළාත් සභාව මඟින් රඹුක්කන පින්නවල සංස්කෘතික කලාපයක් බවට පත්කිරීමට පියවර ගෙන ඇති අතර, ඒ යටතේ සෑම මසකම අවසන් සති අන්තයේ දින දෙකක් පුරා මෙම සංස්කෘතික කලාපය ක්‍රියාවට නංවා ඇත.

ඒ යටතේ වෙස් නැටුම්, සොකරි, ගිනි සිසිල, සළු පාලිය, අංගම්පොර වැනි සංස්කෘතික අංග රැසක් පැවැත්වෙන අතර, ස්ට්‍රීට් ෆුඩ් (Street Food) කෘෂි නිෂ්පාදන, දේශීය අත්කම් භාණ්ඩ හා රෙදිපිළි අලෙවි හා ප්‍රදර්ශන මධ්‍යස්ථාන ද මෙම දෙදින තුළ විවෘත කිරීමට පියවර ගෙන ඇත. මෙය Pinnawala Night Market ලෙස නම් කර ඇත.