කාර්මික හා කෘෂිකාර්මික ක්ෂේත්‍රවල මහා පරිමාණ ආයෝජන දිරිමත් කරමින් ශ්‍රී ලංකාවේ සංවර්ධනයට පූර්ණ සහයෝගය ලබාදීමට සූදානම් බව ආචාර්ය යුවාන් ජියාජුන් මහතා අවධාරණය කරයි.

ඒ, ඔහු ඇතුළු චීනයේ ඉහළ පෙළේ නියෝජිතය පිරිසක් ඊයේ (22) අරලියගහ මන්දිරයේ දී අග්‍රාමාත්‍ය දිනේෂ් ගුණවර්ධන මහතා හමුවූ අවස්ථාවේදීයි.

යුවාන් ජියාජුන් යනු චීනයේ චෝන්ග්කින්ග් (Chongqing CPC) නාගරික කමිටු ලේකම් වරයා මෙන්ම චීන කොමියුනිස්ට් පක්ෂයේ මධ්‍යම කාරක සභා දේශපාලන මණ්ඩල සභිකයෙකු ද වෙයි.

ඒ අනුව දෙමුහුන් සහල් වර්ග සහ අනෙකුත් ආහාර බෝග පිළිබඳ විශේෂඥයින් ශ්‍රී ලංකාවට ලබාදීමට ජියාජුන් මහතා එකඟ වී තිබේ.

මේ හරහා ශ්‍රී ලංකාවේ සහල් අස්වැන්න කිහිප ගුණයකින් වැඩි කර ගැනීමට හැකියාව ලැබෙන බව ඔහු කියා සිටියි.