විශේෂ කාර්ය බලකාය පුත්තලම කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී නීතීඥ වරුණ ජයසුන්දර මහතාගේ නියෝග හා උපදෙස් පරිදි මහනුවර කලාපය බාර ජේෂ්ඨ පොලිස් අධිකාරී නිෂේධ ප්‍රනාන්දු මහතාගේ අධීක්ෂණයෙන් විශේෂ කාර්ය බලකාය පුත්තලම කඳවුරේ දෙවන කඳවුර අණදෙන නිලධාරී පොලිස් පරීක්ෂක එච්.කේ.එම්.ඒ. ජේරත්න ඇතුළු නිලධාරීන් කණ්ඩායමක් විසින් (10) වන දින පුත්තලම පොලිස් වසමේ කල්පිටිය පාර, පාලවියි දුමිරිය හරස් මාර්ගය අසල ප්‍රදේශයේ දී වැටලීමක් සිදුකර ඇත.

එහි දී නීති විරෝධී ලෙස තීරුබදු රහිතව මෙරටට ආනයනය කරන ලද බීඩි කොළ ක්‍රිලෝ ග්‍රෑම් 1,091 ක් අඩංගු බණ්ඩල් 36 ක් ලොරි රථයක් මගින් ප්‍රවාහණය කරමින් සිටි ලුණුවිල හා පල්ලිවාසල්තුරේ ප්‍රදේශයන් වල පදිංචි වයස අවුරුදු 26,28,34 පසුවන පුද්ගලයන් තිදෙනෙකු අත්අඩංගුවට ගෙන වැඩිදුර විමර්ශන කටයුතු සඳහා පුත්තලම පොලිස් ස්ථානය වෙත භාර දී ඇත.