ජුනි මාසයේ සිට ඉන්ධන විකිණීමේ මිල පරාසයක් ප්‍රකාශයට පත් කිරීමට විදුලි බල හා බලශක්ති අමාත්‍යාංශය තීරණය කර ඇත.
ඊට හේතු වී ඇත්තේ මැයි මස අවසානයේ සිට චීන සයිනොපැක් හා ඇමරිකා ෂෙල් සමාගම් මෙරට ඉන්ධන බෙදා හැරීමට ප්‍රවිෂ්ඨ වීමයි.
එම සමාගම් වෙළෙඳපොළට ප්‍රවිෂ්ඨ වීමත් සමග මෙරට ඉන්ධන බෙදා හැරීම සමාගම් හතරක් යටතේ සිදු කෙරේ. ලංකා ඛනිජ තෙල් නීතිගත සංස්ථාව, ලංකා ඉන්දියන් තෙල් සමාගම, සියිනොෆැක් හා ෂෙල් එම සමාගම් වෙයි.
ඔස්ට්‍රේලියාවේ යුනයිටඩ් පෙට්‍රෝලියම් සමාගමද මෙරට ඉන්ධන බෙදා හැරීමට ප්‍රවිෂ්ඨ වන බව මුලින් ප්‍රකාශ කළද එම සමාගම මේ වන විට ඊට මැළිකමක් දක්වන බව විදුලි බල හා බලශක්ති අමාත්‍යාංශ ආරංචි මාර්ග සඳහන් කරයි.
