රටේ භයානක තත්ත්වයක් ඇතිවී තිබෙන්නේ යැයිද මෙය අනෙක් ප්‍රදේශ වලටත් පැතිරෙන්නට හැකි බැවින් එය වළක්වා ගැනීමට පක්ෂ නායකයන් එක්ව සාකච්ඡා කළ යුතුව ඇතැයි හිටපු අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදී පැවසීය.
” අපට තිබෙන විකල්ප සීමා වී තිබෙනවා.මියගිය තැනැත්තාගේ බිරියටත් මා කතා කළා . ඒ මියගිය පුද්ගලයා අපේ පක්ෂයේ සංදිත් සමරසිංහ මහතාගේ ආධාරකරුවෙක්. ඔහු ගිනි තියන්න යන්නේ නැහැ. පක්ෂ නායකයන් කෙටි වේලාවක් මුණගැහී මේ සිද්ධි පිළිබඳව සාකච්ඡා කරමු”
විපක්ෂ නායක සජිත් ප්‍රේමදාස මහතා:-
තවදුරටත් පක්ෂ නායක රැස්වීම් තබා කාලය කන්න අවශ්‍ය නැහැ. ආරම්භයේදීම එකඟතාවය අනුව ආරක්ෂක ක්ෂේත්‍රය බාර ඇමති ප්‍රකාශයක් කරන්න. ඒ ගැන විවාද කරමු.
