ශ්‍රී ලංකා ලෙජන්ඩ්ස් කණ්ඩායම සහ දකුණු අප්‍රිකානු ලෙජන්ඩ්ස් කණ්ඩායම අතර පැවති Road Safety World Series විස්සයි 20 අවසන් පූර්ව තරඟයේ දී ශ්‍රී ලංකා ලෙජන්ඩ්ස් කණ්ඩායම ජය ලැබීය.

එහිදී ශ්‍රී ලංකා ක්‍රීඩකයෝ දකුණු අප්‍රිකානුවන්ව කඩුලු 8කින් පරාජය කළහ.

කාසියේ වාසිය දිනූ ශ්‍රී ලංකා ලෙජන්ඩ්ස් පිලේ ඇරයුමින් පළමුවෙන් පන්දුවට පහරදුන් දකුණු අප්‍රිකානු ලෙජන්ඩ්ස් කණ්ඩායම නියමිත පන්දුවාර 20 අවසානයේ සියලූදෙනා දැවී ලකුණු 125ක් රැස් කිරීමට සමත් වුණා.

මෙවර තරගාවලියේ ඉනිමක හොදම පන්දුයැවීම වාර්තා කළ නුවන් කුලසේකර ලකුණු 25කට බිද හෙලූ කඩුලූ සංඛ්‍යාව 5ක්. සනත් ජයසූරිය සිය පන්දුවාර 4 නිමා කළේ ලකුණු 12කට එක් කඩුල්ලක් දවා ගනිමින්.

පිළිතුරු ලෙස ශ්‍රී ලංකා කණ්ඩායම පන්දු ඕවර 17යි පන්දු 2කදී ජයග්‍රහණයට අවශ්‍ය ලකුණු ලබාගත්තේය.

උපුල් තරංග නොදැවී ලකුණු 39ක් සහ චින්තක ජයසිංහ නොදැවී ලකුණු 47ක් ලබාගත්තේය.

ඒ අනුව, ඉන්දියා ලෙජන්ඩ්ස් කණ්ඩායම සහ ශ්‍රී ලංකා ලෙජන්ඩ්ස් කණ්ඩායම අතර අවසන් තරඟය ලබන ඉරිදා පැවැත්වේ.