කොවිඩ් 19 වෛරසය ව්‍යාප්තව තිබෙන කන්දකාඩු පුනරුත්තාපන මධ්‍යස්ථානයේ රැඳවියන් බැලීම සඳහා පසුගිය දිනවලදී පැමිණි පුද්ගලයන් 116 දෙනෙකු පමණ හඳුනාගෙන තිබෙන බව යුද හමුදාපති ශවේන්ද්‍ර සිල්වා මහතා පවසයි.
එම පිරිස ගමන් කළ ප්‍රදේශ සහ ගනුදෙනු කළ පුද්ගලයන් සම්බන්ධයෙන්ද අවධානය යොමුකර ඇති බවත් ඒ අනුව ඔවුන් අතර ආසාදිතයන් සිටින්නේද යන්න පිළිබඳව විමසිල්ලෙන් පසුවන බවත් ඔහු පෙන්වා දෙයි.
කන්දකාඩු පුනරුත්තාපන කඳවුර හරහා සිදු වූ වෛරසයේ ව්‍යාප්තිය ඉතා ඉක්මනින්ම පාලනය වනු ඇති බවට යුද හමුදාපතිවරයා බලාපොරොත්තු පළ කරයි.
