නිරෝධායන නීති උල්ලංඝනය කරමින් අනුරාධපුර පුබුදුපුර ප්‍රදේශයේ නිවසක් තුළ පවත්වාගෙන ගිය පෞද්ගලික උපකාරක පන්තියක් වටලා එය පවත්වාගෙන ගිය ගුරුවරයා සහ නිවසේ හිමිකරුට එරෙහිව නීති මඟින් කටයුතු කිරීමට අනුරාධපුර මහ නගර සභාව පියවර ගනු ලැබීය.
2020 උසස් පෙළ විභාගයට පෙනී සිටින සිසු සිසුවියන් පිරිසක් සැකකාර ගුරුවරයා විසින් උපකාරක පන්තියට කැඳවා තිබිණි.
සෞඛ්‍ය අංශය නිලධාරීන් විසින් රටේ පවතින තත්ත්වය පිළිබඳව එම ළමුන්ගේ මවුපියන් කැඳවා දැනුවත් කිරීමෙන් අනතුරුව සිසු සිසුවියන් ඔවුන්ගේ නිවෙස්වලට යැවීමට පියවර ගෙන තිබිණි.
