පොහොට්ටු පක්ෂයේ අවශ්‍යතාවක් ඉටු කරන්නට ගිය සුළු හා මධ්‍යම පරිමාණ ව්‍යාපාරිකයන්ගේ සංවිධානයේ සභාපති ඇතුළු පිරිසක් මාධ්‍යෙව්දින්ට බැන තර්ජනය කොට මාධ්‍ය හමුව අවලංගු කොට පිටත්ව ගොස් තිබේ.
පිළිකා ඖෂධ ජාවාරමක් පවතින බවට හෙළි කරන්නට පැමිණි මේ පිරිස අවසානයේ මාධ්‍යෙව්දින්ගේ ප්‍රශ්න හමුවේ නිරුත්තර වීම නිසා ඔවුන් මෙලස මාධ්‍යෙව්දින්ට බැන තර්ජනය කර ඇති බව වාර්තාවේ.
බස්නාහිර පළාත් සෞන්ධර්ය නිකේතනයේ පැවැති මෙම මාධ්‍ය හමුව අද(03) පෙරවරුවේ පැවැති අතර ඊට සුළු හා මධ්‍යම පරිමාණ ව්‍යාපාරිකයන්ගේ සංවිධානයේ සභාපති සංජය පෙරේරා ඇතුළු පිරිසක් සහභාගී වි සිටියහ.
ඔවුන් මීට පෙර මාධ්‍ය හමුවක් කැදවා කරුණු කීවා මිස වෙනත් කාරණා හෙළිදරව් නොකිරිම හේතුවෙන් මාධ්‍යෙව්දින් ප්‍රශ්න කරන්නට වූවේ මෙය සෞඛ්‍ය ඇමතිවරයා සමග පවතින පෞද්ගලික කොන්තරයක් මත කරනා මාධ්‍ය හමුවක්ද යන්නය.
එය එසේ නොවන බව ප්‍රකාශ කිරිමෙන් පසු මාධ්‍යෙව්දින් නැවත ප්‍රශ්න කරන්නට වූවේ මෙය පිළිකා රෝගින්ගේ දුක පලිහක් කර ගනිමින් පොදු ජන පක්ෂයේ දේශපාලන අරමුණු ඉටු කිරිමට ගන්නා උත්සාහයක් නොවේද යන්නය. මෙලෙස ප්‍රශ්න කළ මාධ්‍යෙව්දින් ඔවුන් මිට පෙර පොදු ජන පක්ෂය සමග ගණුදෙනු කළ ආකාරය ගැනද ප්‍රකාශ කිරිම හේතුවෙන් ඔවුන් මාධ්‍යෙව්දින්ගේ අනන්‍යතාවය විමසමින් මාධයවේදින්ට බැන තර්ජනය කරන්නට වූහ.
ඒත් සමග ඇතිවූ නොසන්සුන්තාවය මත පිරිස එම ස්ථානයෙන් පිටව ගියේ මාධ්‍යෙව්දින්ට බැන තර්ජනය කරමිනි. පොහොට්ටුවේ උවමනාවට හා ජනාධිපති සිරිසේනගේ උවමනාවට මෙය කරන බවට කළ ප්‍රශ්න කිරිම්වලට පිළිකා ජාවාරම හෙළි කිරිමට පැමිණි පිරිසට උත්තර නොමැතිවිම නිසා ඔවුන් මෙලෙස බැන තර්ජනය කරන්නට වූහ.
පසුව මාධ්‍යෙව්දින් ප්‍රකාශ කළේ සත්‍ය තොරතුරු හෙළි කරනවා විනා පෞද්ගලිකව මිනිසුන්ට මඩ ගැසිමට පවත්වන මෙවැනි ප්‍රවෘත්ති සාකච්ඡා වර්ජනය කළ යුතු බවයි.
