සෝමාලියා මුහුදු කොල්ලකරුවන් විසින් කොල්ලකන ලැදැයි පැවසෙන ශ්‍රී ලාංකික ධජය රැගත් ඉන්ධන ප්‍රවාහන නෞකාව ලංකාවේ ලියාපදිංචි වී නොමැති වුවත් එහි ශ්‍රි ලාංකිකයන් අට දෙනෙකු සේවය කර ඇති බවට වාර්තා වී තිබෙන බව විදේශ කටයුතු අමාත්‍යාංශය සඳහන් කරයි.
නෞකාවේ ශ්‍රී ලාංකික කාර්ය මණ්ඩලයේ ආරක්ෂාව සහ සුභ සාධනය තහවුරු කිරීම සඳහා නාවුක නියෝජිතායතන, අදාළ බලධාරීන් මෙන්ම අදාළ විදේශ රටවල පිහිටි ශ්‍රී ලංකික දූත මණ්ඩල සමඟ අඛණ්ඩව සම්බන්ධ වෙමින් සිද්ධිය පිළිබඳව වැඩිදුර කරුණු අනාවරණය කර ගැනීමට අමාත්‍යාංශය පියවර ගනිමින් සිටින බවත් නෞකාවේ සේවක පිරිසේ ආරක්ෂාවට අගතියක් සිදු නොවන අයුරින් වාර්තා කිරීමට විදේශ කටයුතු අමාත්‍යංශය බලාපොරොත්තු වන බවත් පවසා සිටී.
