ජාත්‍යන්තර ෆෙයා රබර් සංවිධානයේ සහ සීමාසහිත ලලාන් රබර් පුද්ගලික සමාගමේ වැවිලි අංශයේ මූල්‍ය අනුග්‍රහය මත රුපියල් ලක්ෂ 49ක මුදලක් වැය කොට දෙහිඕවිට සහ දැරණියගල ඇතුළු ප්‍රදේශ කිහිපයක වතු සේවකයින්ගේ පාසල් යන දූ දරුවන් 1830කට අභ්‍යාස පොත් ලබා දීම සීමාසහිත ලලාන් රබර් පුද්ගලික සමාගමේ වැවිලි අංශය මඟින් කටයුතු කර ගෙන යයි.
මීට සමගාමීව වතු සේවකයන්ගේ සුභසිද්ධිය සහා ෆෙයා රබර් සංවිධානයේ සහ ලලාන් සමාගමේ මූල්‍ය අනුග්‍රහය මත තිරසර සංවර්ධන ඉලක්ක යටතේ රුපියල් මිලියන 80ක පමණ මුදලක් වැයකොට මෙවැනි ව්‍යාපෘති 150ක් පමණ මේ වන විට ක්‍රියාත්මක කොට ඇති බව ද ඔවුහු පවසති.
අධ්‍යාපනයෙන් විශිෂ්ට දස්කම් දැක්වූ වතු සේවකයන්ගේ දූ දරුවන්ට ලැප්ටොප් සහ ටැබ් පරිගණක ලබා දීමත්, පානීය ජල ව්‍යාපෘති, වතු නිවාස සහ ළමා සංවර්ධන මධ්‍යස්ථාන පිළිසකර කිරීම, ක්‍රීඩා පිටි ලබා දීම, පාලම් අලුත්වැඩියා කිරීමද එම ව්‍යාපෘති අතර වෙයි. මෙම සියලු ව්‍යාපෘති සඳහා අධීක්ෂණය ලලාන් අයාතනයේ අධ්‍යක්ෂ රවී ජයතිලක, සාමාන්‍යාධිකාරී ඇල්බට් පීරිස්, නියෝජ්‍ය සාමාන්‍යාධිකාරී නිශාන්ත සෙනවිරත්න, ජ්‍යෙෂ්ඨ කළමනාකරු (තිරසාරත්ව සහ විශේෂ ව්‍යාපෘති) රූකාන්ත රාජපක්ෂ යන මහත්වරු සහ අනෙකුත් විධායක නිලධාරීන් විසින් සිදු කරනු ලබයි.
