විශේෂ කාර්ය බලකාය ගෝනහේන කඳවුර මගින් පාලනය වන සීදුව උප මුරපලේ නිලධාරීන්ට යුධ හමුදා බුද්ධි අංශයෙන් ලද තොරතුරකට අනුව විශේෂ කාර්ය බලකාය අණදෙන නිලධාරී ජේෂ්ඨ නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි බස්නාහිර උතුර බාර ජේෂ්ඨ පොලිස් අධිකාරී ජේ.ආර්. සේනාධීර මහතාගේ මෙහෙයවීම මත ගෝනහේන කඳවුරේ ප්‍රධාන පොලිස් පරීක්ෂක එම්.එම්.එන්.කේ. මාරසිංහ මහතාගේ අධීක්ෂණය යටතේ පොලිස් පරීක්ෂක ඊ.එමි.එන්. නිශ්ශංක ඇතුළු නිලධාරීන් කණ්ඩායමක් විසින් යුධ හමුදා නිලධාරීන් සමග ඒකාබද්ධව පමුණුගම පොලිස් වසමේ උස්වැටකෙයියාව, දූන්ගල්පිටිය මාර්ගයේ දී වැටලීමක් සිදුකර ඇත.
එහි දී නීති විරෝධීව මුහුදු මාර්ගයෙන් මෙරටට ගෙන්වන ලද බීඩි කොළ කිලෝ ග්‍රෑම් 2,058 ග්‍රෑම් 300 ක් බලපත්‍ර රහිතව ලොරි රථයක් මගින් ප්‍රවාහනය කරමින් සිටි මීගමුව ප්‍රදේශයේ පදිංචි වයස අවුරුදු 42 ක පුද්ගලයෙකු අත්අඩංගුවට ගෙන වැඩිදුර විමර්ශන කටයුතු සඳහා කඩවත පොලිස් ස්ථානය වෙත භාර දී ඇත.
