ලබන ජූනි මාසය අවසන් වන විට මෙරට පාතාලය සහ මත්ද්‍රව්‍ය බෙදාහැරීම් සියල්ල අවසන් කරන බව මහජන ආරක්ෂක අමාත්‍ය ටිරාන් අලස් මහතා ප්‍රකාශ කරයි.
කුමන බලපෑම් එල්ල වුවද යුක්තිය මෙහෙයුම නතර නොකරන බව අමාත්‍යවරයා පෙන්වා දෙයි.
එමෙන්ම මේ වනවිට රට තුළ මත්ද්‍රව්‍ය මිල ශීඝ්‍ර ලෙස ඉහළ ගොස් ඇති බව වැඩබලන පොලිස්පති දේශබන්දු තෙන්නකෝන් මහතා සඳහන් කරයි.
මත්ද්‍රව්‍ය ජාවාරම්කරුවන්ගේ දේපොළ රාජසන්තක කිරීමේ කටයුතු කඩිනමින් සිදු කරන බවද ඔහු කියා සිටියි.
