ශ්‍රී ලංකා ක්‍රිකට් කණ්ඩායමේ නායකත්වයෙන් දසුන් ශානකව ඉවත් කිරීමට ගෙන තිබූ තීරණය ඊයේ (20) යළි ආපසු හැරවෙමින් තවදුරටත් නායකත්වයේ රැඳීම සඳහා ඔහුට අවස්ථාව ලබාදීමට තීරණය වී තිබේ.
ඒ අනුව එළැඹෙන එක්දින ලෝක කුසලාන සඳහා වන ශ්‍රී ලංකා කණ්ඩායම මෙහෙයවීමේ අවස්ථාව ඔහුට පැවරෙනු ඇත.
ලෝක කුසලාන සඳහා නම්ව ඇති අදාළ සංචිතය මෙතෙක් නිල වශයෙන් ප්‍රකාශ කර නැතත්, ඒ සඳහා මූලික වශයෙන් නම් කළ අදාළ සංචිතයම වෙනසකින් තොරව අවසන් සංචිතය ලෙසින් ද නම් කර ඇති බව විශ්වාසදායක ආරංචිමාර්ග සඳහන් කරයි.
ඒ අනුව දඟ පන්දු යැවීමේ ශ්‍රී ලංකා බලාපොරොත්තුව වනිඳු හසරංග මෙන්ම වේග පන්දු යැවීමේ අංශට දුෂ්මන්ත චමීරද එක්ව තිබේ. දිමුත් කරුණාරත්නද මෙම සංචිතයේ අවස්ථාව හිමිව ඇති බව සැලවේ.
ලෝක කුසලාන සංචිතය ? පිතිකරු අංශයෙන් -පැතුම් නිශ්ශංක, කුසල් ජනිත්, දිමුත් කරුණාරත්න, කුසල් මෙන්ඩිස්, සධීර සමරවික්‍රම, චරිත් අසලංක, ධනංජය ද සිල්වා සහ දසුන් ශානක
දඟ පන්දු යවන්නන් – වනිදු හසරංග, මහීෂ් තීක්ෂණ සහ දුනිත් වෙල්ලාලගේ
වේග පන්දු යවන්නන් – දුෂ්මන්ත චමීර, කසුන් රාජිත, මතීෂ පතිරණ, ඩිල්ෂාන් මධුශංඛ
