සංචාරක ශ්‍රී ලංකා කණ්ඩායම සමග පැවති ටෙස්ට් තරගාවලිය දෙකට බින්දුවක් ලෙස ජය ගැනීමට සත්කාරක නවසීලන්ත කණ්ඩායම මීට නොබෝ වේලාවකට පෙර සමත් විය. ඒ, දෙරට අතර පැවති දෙවන ටෙස්ට් ක්‍රිකට් තරගයෙන් ඉනිමක හා ලකුණු 58 ක ජයක් අත්කර ගනිමින්. අද දිනයේදී සිය දෙවන ඉනිම ක්‍රීඩා කරමින් සිටි ශ්‍රී ලංකා කණ්ඩායමේ සියලුම ක්‍රීඩකයින් ලකුණු 358කට දැවී ගියා.

නවසීලන්ත කණ්ඩායම මෙම තරගයේ පළමු ඉනිම වෙනුවෙන් කඩුලු 4 ක් දැවී ලකුණු 580 ක් රැස් කළ අතර ශ්‍රී ලංකා කණ්ඩායම පළමු ඉනිමට රැස් කළේ ලකුණු 164 ක් පමණයි.

තරගයේ වීරයා සම්මානය හෙන්රි නිකලස්ට හිමි විය.

තරගාවලියේ වීරයා සම්මානය කේන් විලියම්සන්ට හිමි විය.

එළඹෙන අයර්ලන්ත ටෙස්ට් තරග සංචාරයෙන් පසු තමන් ටෙස්ට් කණ්ඩායමේ නායකත්වයෙන් සමුගන්නා බවට නායක දිමුත් කරුණාරත්න පවසයි.

නවසීලන්තය සමග පැවැත්වුණු ටෙස්ට් තරගාවලිය 2-0ක් ලෙස ශ්‍රී ලංකාව අද පරාජයට පත්විය.