එහි පැමිණි ජනාධිපති මහින්ද රාජපක්ෂ මැතිතුමාව ඔවුන් මහත් හරසරින් යුතුව පිළිගත් අතර රට දිනවූ රාජ්‍ය රාජ්‍ය නායකයා වෙත තම ආචාරය ද පුද කර සිටියහ.

වැඩම කර සිටි මහා සංඝරත්නය ද ජය පිරිත් දේශනා කර ජනාධිපතිතුමා වෙත ආශිර්වාද පළ කළහ.

අමාත්‍යවරුන් වන ඩලස් අලහප්පෙරුම, මහින්ද යාපා අබේවර්ධන, චන්ද්‍රසිරි ගජධීර, නියෝජ්‍ය අමාත්‍යවරුන් වන හේමාල් ගුණසේකර, විජය දහනායක යන මහත්වරු ද අකුරැස්ස එක්සත් ජනතා නිදහස් සන්ධානයේ ප්‍රධාන සංවිධායක මනෝජ් සිරිසේන යන මහතා සහ ප්‍රදේශයේ දේශපාලන නියෝජිතයෝ රැසක් ද මෙම අවස්ථාවට එක් ව සිටියහ.