ජාතික වෙසක් සතිය අදින්(04) ආරම්භ වෙනු ඇත.
ඒ අනුව අද දිනයේ සිට එළඹෙන 08 වනදා දක්වා ජාතික වෙසක් සතිය ලෙස ප්‍රකාශයට පත්කර ඇති බවයි බුද්ධ ශාසන අමාත්‍යාංශය සඳහන් කළේය.
මෙහි ජාතික උත්සවය හොරණ ගෝනපල ඔලබොඩුව රජමහා විහාරස්ථානය කේන්ද්‍ර කරගනිමින් පැවැත්වීමට නියමිතයි.
කෙසේ වෙතත් පවතින වෛරස් රෝග තත්ත්වය හමුවේ සීමිත පිරිසක් මෙම ජාතික උත්සවය සඳහා එක්කර ගැනිමට නියමිත බව අද දෙරණ සමඟ අදහස් දක්වමින් බුද්ධ ශාසන, සංස්කෘතික හා ආගමික කටයුතු අමාත්‍යාංශ ලේකම් බන්දුල හරිස්චන්ද්‍ර මහතා සඳහන් කළේය.
මෙහිදී වැඩිදුරටත් අදහස් දක්වමින් ඒ මහතා පවසා සිටියේ, සෑම බෞද්ධ නිවසකම බෞද්ධ කොඩියක් එසවීමට අද සිට කටයුතු කරන ලෙසයි.
