අනුරාධපුර පූජා නගරය ආශ්‍රීතව වෙසෙන 700 ක් පමණ වන නිවාස අහිමි සුනඛයන් සඳහා පෝෂ්‍යදායි විශේෂ ආහාර වේලක් ප්‍රදානය කිරීම පසුගිය ජූනි 22 සෙනසුරාදා අනුරාධපුර රුවන්වැලි මහ සෑ ධර්ම ශාලාවේදී පැවති වීදි සුනඛ පැනයට මිනිසත් විසඳුම් අවිහිංසාවාදී කතිකාවට සමගාමීව එදින දහවල පුරා සිදු කරන ලදී .
විශේෂඥ වෛද්‍ය නාමල් විජයසිංහ , විශේෂඥ වෛද්‍ය රූමි රූබන් , වෛද්‍ය සුගත් විජේවර්ධන, ඉන්දිකා ද සිල්වා යන අහිංසා ශ්‍රී ලංකා විධායක සභිකයන්සහ ජයප්‍රකාශ් සිවගුරුනාදන්, රේණුකා ගමගේ , මංගලා සුරවීර , ලිච්චවී විජේකෝන් , නිර්මලා කුමාරි සේනාරත්න, උත්පලා සුභාෂිනී ජයසේකර ,සඳුන් මදුශංඛ , දීප්ති සිල්වා, සහ සුමේධ ජයසේකර යන අහිංසා ශ්‍රී ලංකා යාවජීව සාමාජික සාමාජිකාවන් විසින් මේ සඳහා අවශ්‍ය ප්‍රතිපාදන සපයන ලදී.
අහිංසා ශ්‍රී ලංකා සමාරම්භක විධායක සභික තිලක් සේනාසිංහ සමග මුතුබණ්ඩා දසනායක සහ සහන් සංකල්ප සිල්වා යන අහිංසා ශ්‍රී ලංකා විධායක සභිකයන් විසින් සිදුකරන ලද අතර මෙහි සංවිධාන කටයුතු වල සිට දානය බෙදීම දක්වා වන සියලු කාර්‍යන් සඳහා වෛද්‍යපද්මා බණ්ඩාර සහ පශු වෛද්‍ය ඉසුරු අංජුල පෙරේරා යන අහිංසා ශ්‍රී ලංකා විධායක සභික දෙපළද සහභාගි වූහ. අනුරාධපුර සුනඛ මිතුරු සංසදයේ සභාපති නීතිඥ හේරත් බණ්ඩා රත්නායක මහතාද මෙහි සංවිධාන කටයුතු සඳහා විශේෂ අනුග්‍රයක් දැක්වීය.
