ශ්‍රී ලංකා ක්‍රිකට් පිලේ හිටපු ආරම්භක පිතිකරු සහ වර්තමානයේ ජාතික තලයේ පුහුණුකරුවකු වන අවිශ්ක ගුණවර්ධන හට ක්‍රිකට් ක්‍රීඩාවට සම්බන්ධ සියලුම කටයුතුවලට සම්බන්ධ වීම ජාත්‍යන්තර ක්‍රිකට් කවුන්සිලය විසින් අත්හිටුවා තිබේ. එමිරේට්ස් ක්‍රිකට් මණ්ඩලයේ දූෂණවිරෝධී නීති සංග්රහය උල්ලංගණය කිරීම මෙම තහනමට හේතු වී ඇත.
මේ අනුව ජාත්‍යන්තර ක්‍රිකට් කවුන්සිලයේ දූෂණ විරෝධී නීති සංග්රහය කඩ කළ, ශ්‍රී ලංකාවේ සිව්වන ප්‍රධාන පෙළේ ක්‍රීඩකයා වන්නේ අවිශ්ක ගුණවර්ධනයි.
මීට පෙර සනත් ජයසූරිය, නුවන් සොයිසා සහ දිල්හාර ලොකුහෙට්ටිගේ ජාත්‍යන්තර ක්‍රිකට් කවුන්සිලයේ පරීක්ෂණ හමුවේ දණ්ඩන සඳහා නියම වූ ශ්‍රී ලාංකික ක්‍රීඩකයින් වේ.
පසුගිය දෙසැම්බර් මාසයේ දී එක්සත් අරාබි එමීර් රාජ්‍යයේ පැවති T10 Cricket League තරඟාවලියක් සම්බන්ධයෙන් මෙම චෝදනා ගොනු වී තිබේ.
ඉල්ලීම් කිරීම, අනුබල දීම, උපදෙස් දීම, ඒත්තුගැන්වීම, දිරිමත් කිරීම හෝ හිතාමතා පහසුකම් සැපයීම වැනි කාරණා සහ වෙනත් පාර්ශවකරුවෙකු විසින් දූෂණය පිළිබඳ දූෂණ සංග්රහය යටතේ දූෂිත චර්යාවක් ඇති බවට සාක්ෂි ඇති ඕනෑම සිදුවීමක්, සත්යයක් හෝ කාරණයක් පිළිබඳව පූර්ව විස්තරය දූෂණ විරෝධී ඒකකය වෙත (අනවශ්‍ය ප්‍රමාදයකින් තොරව) අනාවරණය නොකිරීම යන කරුණු මත අවිශ්ක ගුණවර්ධනට මෙම ක්‍රිකට් තහනම පනවා ඇත.
