ඩුබායිහි දී අත්අඩංගුවට ගත් මාකදුරේ මදුෂ් සමග සමීප සබඳතා පැවැත්වූ පාතාල කල්ලි සාමාජිකයින් 07 දෙනෙකු අත්අඩංගුවට ගැනීම සඳහා පොලිසිය මෙහෙයුමක් ආරම්භ කර ඇත..

මාතර සහ ඒ අවට මෙහෙයුම් ක‍්‍රියාත්මක බවදකුණු පළාත් භාර නියෝජ්‍ය පොලිස්පති කාර්යාලය පැවසුවේය.

මේ වනවිට අත්අඩංගුවට ගෙන සිටින මාකඳුරේ මදූෂ්ගේ ගෝලයින්ගෙන් ඒ සම්බන්ධයෙන් ප‍්‍රශ්න කිරීම් ද ආරම්භ කර තිබෙනවා. මාකඳුරේ මදූෂ් ප‍්‍රමුඛ සංවිධානාත්මක අපරාධකරුවන්ගේ ජාලය සතුව ඇති ගිනි අවි සහ අවි ආයුද සොයා ද මෙහෙයුමක් ආරම්භ කර ඇති බව පොලිසිය ප්‍රකාශ කළේය.

ඉකුත් 08 වැනිදා මාකඳුරේ මදූෂ්ගේ ගෝලයෙකු වන ‘‘ජංගා’’ නමැත්තා ගන්දරදී අත්අඩංගුවට ගැණුනා. ඒ, හමුදා නිල ඇඳුම් කට්ටල 18ක් සහ T 56 ගිනි අවි සඳහා යොදා ගන්නා උණ්ඩ 26ක් ද සමගයි. මදූෂ් සමග සබඳතා පැවැත්වූ තවත් දෙදෙනෙකු ඊයේ (10) සූරියවැව විහාරගල ප‍්‍රදේශයේදී අත්අඩංගුවට ගෙන තිබේ.

මේ අතර මාකඳුරේ මදුෂ්ට විදේශගත වීමට සහය ලබාදුන් ශිවා නැමැති පුද්ගලයා ද සොයා පොලිස් විශේෂ කාර්ය බලකාය මෙහෙයුමක් ආරම්භ කර තිබෙනවා.