තමන් ජීවත්වන රාජ්‍යයන් තුළ ප‍්‍රහාර දියත් කරන ලෙසට අල් කයිඩා නායක අයිමාන් අල් සවාහිරි විසින් ඇමරිකානු හා වෙනත් බටහිර රටවල මුස්ලිම් තරුණයන්ගෙන් ඉල්ලීමක් හඬ පටය අන්තර්ජාලය වෙත මුදාහැර තිබේ.
සවාහිරි පවසා ඇත්තේ කුරුස යුද්ධ සන්ධානයට හානි කළ හැකි මුස්ලිම්වරුන් වහා පියවර ගත යුතු බවයි.
බොස්ටන් මැරතන් බෝම්බ ප‍්‍රහාරය එල්ල කළ ට්සාර්නායෙව් හා චාර්ලී හෙබ්ඩෝ ප‍්‍රහාරය දියත් කළ කුවාචි සොයුරන් මේ සඳහා ආදර්ශයට ගත යුතු බව අල් කයිඩා නායකත්වයේ අදහසයි.
මෙම හඬ පටය කවදා පටිගත කර ඇතිදැයි පැහැදිලි නොමැති නමුත් අල් කයිඩාවේ හිටපු නායක මුල්ලා මොහොමඞ් ඕමාර්ගේ නම සඳහන් කරන ආකාරයට මෙය යටත් පිරිසෙයින් දෙමසක් වත් පැරණි විය යුතු බව විශ්වාස කෙරේ.
මුල්ලා මොහොමඞ් ඕමාර් ජීවත්වන්නකු සේ සලකා සාකච්ඡව සිදුකරන අතර ඔහු මියගිය බව ජුලි මසදී ඇෆ්ගනිස්ථාන හමුදාවන් විසින් තහවුරු කරන ලදී.
මේ අතර තමන් ඉස්ලාමික කාලිෆ් රාජ්‍යයක් ප‍්‍රකාශයට පත්කිරීමට විරුද්ධ වුවත් ඉරාකයේ හා සිරියාවේ බටහිර හා අනාගමික හමුදාවන්ට එරෙහිව සටන් වැදීම සඳහා ISIS සංවිධානය සමග සහයෝගයෙන් කටයුතු කරන බව අයිමාන් අල් සවාහිරි පවසා ඇතැයි වාර්තා වේ.
Leave a comment