වසරකට ආසන්න කාලයක් ඇණහිට තිබූ ඉන්දු – ශ්‍රී ලංකා ධීවර සාකච්ඡා ලබන හෙට (24) සහ අනිද්දා (25) ඉන්දියාවේ චෙන්නායි හිදී පැවැත්වෙයි.

ස්වදේශ කටයුතු සහ ධීවර අමාත්‍ය ජෝශප් මයිකල් පෙරේරා මහතා සහ ඉන්දීය මහකොමසාරිස් වයි.කේ. සිංහා මහතා අතර පසුගියදා පැවති සාකච්ඡාවකදී ධිවර ගැටලු සම්බන්ධයෙන් පැවැත්වෙන මෙම සාකච්ඡා ඇණහිට තිබීම සම්බන්ධයෙන් අවධානය යොමු විය. සාකච්ඡා යළි ආරම්භ කිරීමටත්, ගැටලු සාකච්ඡා මාර්ගයෙන් විසඳා ගැනීමටත් එහි දී ඔවුන් දෙපොළගේ අවධානය යොමු වූ අතර සාකච්ඡා යළි මෙලෙස ආරම්භ වන්නේ එහි ප්‍රතිඵලයක් වශයෙනි.

ඉන්දීය අග්‍රාමාත්‍ය නරේන්ද්‍ර මෝදි මහතාගේ ශ්‍රී ලංකා සංචාරයට පෙර සාකච්ඡා පැවැත්වීමට නියමිතව තිබුණ ද ඉන්දියාවේ ධීවර නියෝජිතයන්ගෙන් නිශ්චිත දිනයක් ලබා ගැනීමට නොහැකි වීමෙන් එම උත්සාහය ව්‍යර්ථ විය. එහෙත් සාකච්ඡා කඩිනම් කරන්නැයි අමාත්‍යවරයා දුන් උපදෙස් අනුව මෙම සාකච්ඡා වටය හෙට හා අනිද්දා දෙදින දී පැවැත්වෙනු ඇත