ලංකා විදුලිබල මණ්ඩලයේ හදිසි වැටලීම් අංශ නිලධාරීන් විසින් මේ වසරේ නොවැම්බර් මස දීපව්‍යාප්තව සිදුකරන ලද වැටලීම් තුළින් රු. ලක්ෂ 235ක වැටලීම් ආදායමක් ලබා ඇත.

ඒ අනුව මීටර් වෙනස් කිරීම්, කොකු භාවිතාකර විදුලිය ලබාගැනීම් වැනි අයථා විදුලි පරිහරණයන් පිළිබඳ  සිද්ධීන් 317ක් වාර්තා වී ඇති අතර ඒ අතරින් සිද්ධීන් 347ක් වංචා සහගත ලෙස මීටර් සැකසීම තුළින් විදුලිය ලබාගැනීම් වේ.

මෙසේ නීතිය ඉදිරියේ වැරදිකරුවන් බවට පත්වන්නන්ට පමුණුවනු ලබන මූල්‍යමය සහ අනෙකුත් දඬුවම්වලට අමතරව ඔවුන්ගේ විදුලි සබඳතා නැවත ලබාගත නොහැකි අයුරින් විසන්ධි කිරීමට ද ලංකා විදුලිබල මණ්ඩලය පියවර ගනු ඇත.