ශ්‍රී ලංකාවේ යුද්ධය පැවති වකවානුවේ ඉන්දීය සාම සාධක හමුදා විසින් ද්‍රවිඩ ජාතික ස්ත්‍රීන් දූෂණය කළ බව නැවත පදිංචි කිරීම් පිළිබඳ නියෝජ්‍ය අමාත්‍ය විනයාගමූර්ති මුරලිදරන් හෙවත් කරුණා අම්මාන් පවසයි.

1987-90 කාලයේ ශ්‍රී ලංකාවේ ගැටුමට මැදිහත්වූ ඉන්දීය සාම සාධක හමුදා විසින් ද්‍රවිඩ ජාතික ස්ත්‍රීන් ගණනාවක් දූෂ්‍ය කළ බවත්, ඇතැමුන් මරා දැමුණු බවත් හෙතෙම ඊයේ (04) පාර්ලිමේන්තුවේදී කියා සිටියේය.

ඉන්දීය හමුදා මැදිහත්වීම සිදුවූයේ 1987 ඉන්දු-ලංකා සාම ගිවිසුම අනුව බවත්, සිදුකළ අපරාධ පිළිබඳ සාක්ෂි පවත්නා බවත් නියෝජ්‍ය අමාත්‍යවරයා සඳහන් කළේය.