චීනයේ සුපිරිතම නිළියක වූ ෆෑන් බින්ග්බින්ග් හට බදු වංචා කිරීමේ සිද්ධියක් සම්බන්ධයෙන් චීන යුආන් මිලියන අටසිය අසූ තුනක් දඩ වශයෙන් ගෙවීමට චින බලධාරීන් නියම කර තිබේ. මාස තුනක් පමණ කාලයක් ඇය ආගිය අතක් නැතිවීම එරට තුළ මහත් ආන්දෝලනයකට හේතු වී තිබිණි.
චීනයේ ජනප්‍රියතම තරුවක් හා ලොව වැඩිම ගෙවීමක් ලබන නිළියක් වන ෆෑන් බින්ග්බින්ග් මෙම දඩ මුදල නොගෙව්වොත් ඇයට සිර දඬුවම් විඳීමට සිදුවනු ඇත. චීන කලාකරුවන් බදු වංචා කිරීම ගැන රජය කළ විමර්ශනයක මුලින්ම සිටියේ ෆෑන්ග්ය. මෙහිදී මෙම පිරිස තම ආදායම් වාර්තා දෙකක් සකස් කරවන අතර බදු ගෙවීමේදී ඉදිරිපත් කරන්නේ ව්‍යාජ වාර්තාවය.
