කොළඹ ව්‍යාපාර වස්තු හුවමාරුව දිවයින පුරා ජංගම දුරකථනය හරහා ගනුදෙනු සිදු කිරීමේ නවතම යෙදුම සම්බන්ධයෙන් ආයෝජකයින් දැනුම්වත් කිරීමේ වැඩසටහන් මාලාවක් ආරම්භ කිරීමට සියලු කටුයුතු සූදානම් කර තිබේ. සම්පූර්ණයෙන්ම නොමිලයේ පැවැත්වෙන මෙම අධ්‍යාපනික වැඩසටහන් මාලාවන් තුළින් අපේක්ෂා කරනුයේ වඩාත් කාර්යක්ෂමව ගනුදෙනු සිදුකිරීමට අවශ්‍ය පහසුකම් සැලසීමත් එමඟින් උපරිම ප්‍රතිලාභ අත්පත් කරගැනීමේ මාර්ගය හඳුන්වා දීමත් වේ.

Smart දුරකථන ඉතාම ජනප්‍රිය වන ලෝකය තුළදී තාක්ෂණය සමඟ නිරත්තර සබඳතා පවත්වන ආයෝජකයින් ඉතාම පහසුවෙන් තම ආයෝජන කටයුතු කිරීම සඳහා Smart දුරකථන යෙදුම් භාවිත කරනු ලබයි. මෙම අනගි අවස්ථාව කොළඹ ව්‍යාපාර වස්තු හුවමාරුවෙහි ලැයිස්තුගත කොටස් වල ආයෝජනය කරනු ලබන ආයෝජකයින්ටද ලබාදෙමින් තාක්ෂණික උපාංග නිමවුම් කරන ආයතනයක් හරහා නිර්මාණය කරනු ලබන මෙම උපාංගය තම තැරැව්කරුවන් හරහා ආයෝජකයින්ට දැන් ලබාගැනීමේ අවකාශය පවතී.

මේ පිළිබඳව අදහස් පළකරමින් කොළඹ ව්‍යාපාර වස්තු හුවමාරුවෙහි, වෙළෙඳපොළ සංවර්ධන අංශයෙහි ප්‍රධානී . නිරෝෂන් විජේසුන්දර මහතා ප්‍රකාශ කර සිටියේ, වර්තමාන පුද්ගලයා භාණ්ඩ මිලදී ගැනීමේ සිට තම ප්‍රවාහන පහසුකම් සපයාගැනීම දක්වා සියලු මෙහෙයුම් තම ජංගම දුරකථනය හරහා සිදුකරන කාලයකදී වඩාත් පහසුවෙන් හා කාර්යක්ෂමව ජංගම දුරකථන යෙදුම් හරහා ගනුදෙනු සිදුකිරීමට පහසුකම් සැලසීම අත්‍යවශ්‍ය කාරණයක් බවත්, ඒ පිළිබඳව නිවැරදිව අවබෝධය ලබාගෙන ඉන් උපරිම ප්‍රතිලාභ අත්පත් කරගත හැකි බවට තමන් විශ්වාස කරන බවත්ය.

ඔබ ගනුදෙනු කිරීම සඳහා ජංගම දුරකථනය භාවිත කළ යුත්තේ ඇයි?

ගනුදෙනු ඒ මොහොතේම….
ආයෝජකයින්ට පවතින ඉතාම සුලබ ගැටලුවක් වන්නේ අවශ්‍ය මොහොතේම, සජීවීව ඇනවුම් ඉදිරිපත් කිරීමට පවතින අපහසුතාවයි. නමුත් මෙමඟින් ඔබ කොතැනක සිටියත් ඉතාම පහසුවෙන් ගනුදෙනු පද්ධතියට ප්‍රවේශ වීමේ අවකාශය සලසා දී තිබේ.

සෑමදේම කාලයයි.
වඩාත් ක්‍රියාශීලී හා උච්චාවචනයට ලක්වන වෙළෙඳපොළක් තුළදී ගතවන සෑම තත්පරයක්ම ලාභය හෝ පාඩුව සඳහා හේතුවිය හැකිය. නිවැරදිම වෙලාවේදී මිලදී ගැනීමත්, විකිණීමත් තමන් එම තීරණය ගත් මොහොතේම අප්‍රමාදීව සිදු කිරීමට මෙමඟින් තැරව් කරුවෙකු නොමැතිව වුවද හැකියාව පවතී.

විස්තරාත්මක තොරතුරු
මෙම ජංගම දුරකථන යෙදුම තුළ දෛනික ගනුදෙනු සාරාංශ, ආයෝජන කළඹ කළමනාකරණය, ගැනුම් හා විකුණුම් අවස්ථා, ඇනවුම් වල ඉතිහාසය, ලාභ හා පාඩු විශ්ලේෂණය කිරීම හා සාංගමික පුවත් ආදිය ලබාගැනීමට අවස්තාව තිබේ.

ආරක්ෂාව සුරක්ෂිත කර තිබේ.
ක්ෂේත්‍රයේ පෘථුල දැනුමක් සහිත නිමවුම් කරුවන් හරහා මෙම ජංගම දුරකථන යෙදුම නිර්මාණය කර තිබීම නිසා මෙහි ආරක්‍ෂිත භාවය සුරක්ෂිත කර තිබේ. වෙබ් අඩවි ආශ්‍රිත ද්වාරයන් හා අනෙකුත් විද්‍යුත් වානිජ්‍ය යෙදවුම් සංධා අදාළ වන ගිවිසුම් මේ සඳහාද අදාළ වේ.

භාවිතයට පහසුයි
මේ සඳහා අවතීර්ණ වීමට තැරව්කරුවෙකු සමඟ ගිණුමක් හා Smart දුරකථනයක් තිබීම පමණක් අවශ්‍ය වේ. වෙනත් අත්‍යවශ්‍ය තොරතුරු තැරව්කරු හරහා ලබාගත හැකිය.

අධ්‍යාපනික වැඩසටහන් සඳහා නොපමාව අමතන්න